काठमाडौं। कक्षा १२ को परीक्षाको नतिजा सार्वजनिक गरिएको छ । राष्ट्रिय परीक्षा बोर्डको आजै सम्पन्न बैठकले परीक्षाफल सार्वजनिक गर्ने निर्णय गरेको हो ।

बोर्डले दिएको जानकारीअनुसार नतिजा राष्ट्रिय परीक्षा बोर्डको वेबसाइट result.neb.gov.np, neb.gov.np तथा नेपाल टेलिकमको वेबसाइट https://neb.ntc.net.np बाट हेर्न सकिनेछ ।

यो वर्ष देशभरबाट ५ हजार २०२ विद्यालयका ५ लाख ११ हजार विद्यार्थी परीक्षामा सहभागी भएका थिए । तीमध्ये नियमिततर्फ ३ लाख ९५ हजार र आंशिकतर्फ १ लाख १५ हजार विद्यार्थी रहेका छन् ।