३१ भदौ, काठमाडौँ। नेपालको लागि रोमानीयाको राजदूत डानियला सेजोनोभ तानले श्रम, रोजगार तथा सामाजिक सुरक्षा मन्त्री शरत सिंह भण्डारीसँग भेटवार्ता गरेका छन्।
नेपाल र रोमानीया बीच भएको श्रम सम्झौताको कार्यान्वयन तथा विभिन्न एजेन्टबाट भएका ठगी नियन्त्रणका सम्बन्धमा श्रम, रोजगार तथा सामाजिक सुरक्षामन्त्री भण्डारीसँग शिष्टाचार भेटवार्ता गरेका छन्।
भेटवार्ताका सम्बन्धमा सन् २०२४ जनवरी देखी रोमानीयामा करिब १९ हजार भन्दा बढि नेपालीलाई श्रमिक भिषा उपलव्ध गराइएको जानकारी दिएको मन्त्रालयबाट जारी प्रेस विज्ञप्तीमा उल्लेख छ। नेपाल सरकार र रोमानीया सरकार बीच गत वर्ष असोजमा श्रम सम्झौता कार्यान्वयन भए पनि श्रमिक औपचारिक तवरले रोमानीयामा जान सकेका छैनन्।
