काठमाडौँ। पूर्वप्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल प्रचण्डकी नातिनी गायिका स्मिता दाहाल विवाह बन्धनमा बाँधिएकी छिन् ।
शुक्रबार वैवाहिक जीवनमा बाँधिएकी गायिका स्मिता दाहाललाई बधाई दिन नेतादेखि कलाकारसम्म पुगेका छन्। काठमाडौं मुलपानीस्थित ग्राण्ड नर्लिङ रिसोर्टमा स्मिताले प्रेमी सायुज्य श्रेष्ठसँग लगनगाँठो कसेकी छन्।
आयोजित समारोहमा नेकपा एकीकृत समाजवादीका अध्यक्ष माधवकुमार नेपाल, माओवादी केन्द्रका उप–महासचिव जनार्दन शर्मा लगायत पुगेका छन्।
वैवाहिक समारोहमा कलाकारहरु हरिवंश आचार्य, किरण केसी, शिव श्रेष्ठ, जितु नेपाल, केदार घिमिरेलगायतका साथै परिवारका सदस्य र आफन्तहरुको सहभागिता रहेको बताइएको छ ।
