काठमाडौँ। नेपाल टेलिकमले ‘मनसुन अफर’ सार्वजनिक गरेको छ, जसअन्तर्गत बिहीबारदेखि लागू हुने गरी विभिन्न भ्वाइस, डाटा र एसएमएस प्याकेज उपलब्ध गराइनेछ।
टेलिकमले बुधबार जारी गरेको विज्ञप्तिमा मनसुन अफरमार्फत ग्राहकहरूलाई आकर्षक सुविधाहरू प्रदान गरिने उल्लेख गरिएको छ।
कम्पनीका प्रवक्ता रवीन्द्र मानन्धरका अनुसार, यो अफर विशेषगरी शारीरिक तथा मानसिक रूपमा फरक क्षमता भएका व्यक्तिहरूका लागि बोनससहितका प्याकेज समावेश गरिएको छ। साथै, सजिलो अनलिमिटेड ६९९ र ७९९ योजना ३० प्रतिशत छुटमा उपलब्ध हुनेछ।
ग्राहकले आफ्नै मोबाइलबाट *1415# डायल गरेर वा ‘नेपाल टेलिकम’ मोबाइल एपमार्फत नयाँ अफरहरू हेर्न तथा खरिद गर्न सक्नेछन्।
टेलिकमले हरेक सिजन अनुसार उपयुक्त प्याकेज तथा छुट अफर गर्दै आएको छ र यसपटकको मनसुन अफरले पनि ग्राहक सन्तुष्टि बढाउने अपेक्षा गरिएको छ।
