काठमाडौं। मौसम पूर्वानुमान महाशाखाको वेवसाइट ह्याक भएको छ । ‘क्याप्टेन स्मोकर थ्रीआर’ नामको टेलिग्राम एकाउन्ट भएको व्यक्तिले महाशाखाको साइट ह्याक गरेको हो ।
मौसम विज्ञान विभागअन्तर्गतको महाशाखाले मौसमसम्बन्धि पूर्वानुमान र जानकारी दिने गर्दछ । महाशाखाले साप्ताहिक, तीन दिनको मौसम पूर्वानुमान बुलेटिन प्रकाशन गर्दै आएको छ ।
महाशाखाले हरेक दिन बिहान र बेलुका मौसमसम्बन्धी बुलेटिन प्रकाशन गर्ने गर्दथ्यो । साथै विशेष परिस्थितिमा विशेष बुलेटिन पनि प्रकाशन गर्दै आएको थियो ।
‘हाम्रो आईटी टिमले यसलाई हेरिरहेको छ,’ कायस्थले भने, ‘चाँडै रिकभर गर्ने प्रत्यनमा छौं । वेबसाइटको डेटाबेसको ब्याकप हामीसँग सुरक्षित छ ।’ उनले बेवसाइटमा दिइएको लिंक क्लिक नगर्न सुझाव दिएका छन् ।
