काठमाडौँ। काठमाडौँको तिनकुने गैरिगाँऊस्थित आइएसएमटी कलेजले ‘आइएसएमटी एक्स्पो’ मा कलेजमा आइटीमा अध्ययनरत विद्यार्थीहरुले बनाएको रोबट, गेमिङ, लाइ डिटेक्टर, फ्री डिटेक्टर लगायत विभिन्न २० वटा प्रोजेक्टहरुको प्रदर्शनी सम्पन्न भएको छ ।

विद्यार्थीहरूलाई डिग्री मात्र उपलब्ध गराउने नभई सबल र सक्षम बनाउनुका साथै विद्यार्थीहरूलाई प्रोत्साहन गर्न आइएसएमटी एक्पो आयोजना गरिएको कलेजले जनाएको छ ।

उक्त Expo मा डा. शशांक कोइराला, रामकुमारी झाँक्री, उदय शमशेर राणा, रमेश खरेल, ऋषि धमला लगायत समाजका प्रतिष्ठित व्यक्तिहरूले अवलोकन गरेका थिए । उनीहरूले विद्यार्थीहरूसँग उनीहरूको प्रोजेक्टको बारेमा अन्तरक्रिया गर्नुका साथै उनीहरूलाई उज्ज्वल भविष्यको शुभकामना समेत दिएका थिए ।

उक्त कार्यक्रममा विभिन्न कलेजका शिक्षक कर्मचारी, विद्यार्थी लगायत चार हजार भन्दा बढी व्यक्तिहरूले अवलोकन गरेका थिए । आइएसएमटीले काठमाडौँ, चितवन, पोखरा, विराटनगर र बुटवलमा पनि युनिभर्सिटी अफ सन्डरल्याण्ड कै सम्बन्धनमा कलेज सञ्चालन गरि बिबिए (बिजिनेस एण्ड म्यानेजमेन्ट), बिएचएम, बीएससी आइटी (सीएसइ), बीएस्सी (अनर्स) साइबर सेक्युरिटी एण्ड डिजिटल फरेन्सिक र एमबीए कार्यक्रम सञ्चालन गरिरहेको छ ।