कालिकोट। नेपाल टेलिकमले कालिकोटको मान्मदेखि जुम्ला हुँदै मुगुको गमगढीसम्म अप्टिकल फाइबर विस्तार गरेको छ।
टेलिकमले पहिलो पटक एडिएसएस प्रविधिमा आधारित अप्टिकल फाइबर प्रयोग गरी उच्च गुणस्तरको सूचना महामार्ग सञ्चालनमा ल्याएको हो। यसले कालिकोट, जुम्ला, मुगु लगायतका क्षेत्रमा मोबाइल ब्रोडब्याण्ड र फाइबर सेवाको गुणस्तर सुधार गर्नेछ।
चैत ८ गतेदेखि माइक्रोवेभ रेडियो लिंकमार्फत सञ्चालनमा रहेका एफटिटिएच, मोबाइल सेवा तथा एनटी टिभी सेवा समेत अप्टिकल फाइबरमार्फत सञ्चालनमा ल्याइएको छ।
नेपाल टेलिकमले यसलाई दूरसञ्चार क्षेत्रमा कोसेढुंगा मान्दै, दूरसञ्चार सेवा निरन्तर सञ्चालन गर्न वैकल्पिक ट्रान्समिसन रूट स्थापना भएको जनाएको छ।
