काठमाडौं। एलोन मस्कले आफ्नो स्वामित्वमा रहेको सामाजिक सञ्जाल ‘एक्स’ आफ्नै एआई कम्पनी एक्सएआईलाई बिक्री गरेका छन् ।
अन्तर्राष्ट्रिय सञ्चार माध्यमका अनुसार उनले ३३ अर्ब अमेरिकी डलर बराबरको मूल्यमा एक्स कम्पनी आफ्नै अर्को कम्पनी एक्सएआईलाई बेचेका हुन् ।
मस्कले शुक्रबार साँझ एक्स बेचेको घोषणा गरेका थिए । मस्कको यो कम्पनी अरु कसैले नभएर उनकै एआई कम्पनी एक्सएआईले किनेको हो । यसका लागि एक्सआईले ४५ अर्ब डलर भुक्तानी गरेको बताइएको छ ।
हाल एक्सएआईलाई बिक्री गरिएको एक्सलाई मस्कले २०२२ मा ४४ अर्ब डलरमा खरिद गरेका थिए । त्यसयता उनले कम्पनीमा व्यापक परिवर्तन गरे । जसमा कर्मचारी कटौती, नीति पुनःनिर्माण र ब्रान्ड पुनःस्थापना समावेश छन् ।
एक्सएआईले पहिले नै एक्सका प्रयोगकर्ताका पोस्टहरू प्रयोग गरेर आफ्नो एआई मोडेल प्ररीक्षण गरिरहेको थियो। एक्सले केही प्रयोगकर्ताहरूलाई एक्सआई द्वारा विकसित च्याटबट ग्रोक प्रयोग गर्ने सुविधा प्रदान गरिरहेको छ । मस्कका अनुसार, यस सम्झौताले प्रयोगकर्तालाई अझ प्रविधिमैत्री बन्न सहयोग गर्नेछ ।
