काठमाडौं। सामसङ नेपालले आफ्नो नयाँ फ्ल्यागशिप स्मार्टफोन ग्यालेक्सी एस२५ अल्ट्रा १ टिबी नेपाली बजारमा सार्वजनिक गरेको छ।

कम्पनीका अनुसार यो स्मार्टफोन १ टेराबाइटको विशाल स्टोरेज, एडभान्स ग्यालेक्सी एआई फिचरहरू, र सहज मल्टिटास्किङ क्षमतासहित सुसज्जित छ। यो डिभाइस टाइटेनियम सिल्भरब्लु र टाइटेनियम ग्रे रंगमा उपलब्ध हुनेछ। यसको मूल्य रु २,३४,९९९ निर्धारण गरिएको छ।

वैशाख ४ गतेदेखि देशभरिका सामसङका आधिकारिक स्टोरहरूमा फोन उपलब्ध हुनेछ। ग्राहकहरूले सामसङ हुलास फिनसर्भ हायर पर्चेज मार्फत उपलब्ध इन्स्टा फाइनान्स योजनाको प्रयोग गरी ०% ब्याजमा मासिक रु ११,७५० को किस्तामा फोन किन्न सक्नेछन्। यसका लागि नागरिकता प्रमाणपत्र मात्र पर्याप्त हुने कम्पनीले जनाएको छ।

त्यसैगरी, एनएलजी इन्स्योरेन्स कम्पनी लिमिटेड मार्फत १ वर्षको एकपटकको ब्रेकेज इन्सुरेन्स पनि दिइनेछ। पुराना फोन साटेर नयाँ ग्यालेक्सी एस२५ सिरिजको स्मार्टफोन खरिद गर्न चाहनेका लागि सबकोफोन र आर्कोस्टोर मार्फत एक्सचेन्ज सुविधा समेत उपलब्ध हुनेछ।