काठमाडौं। नेपाली कांग्रेसका सभापति गगनकुमार थापाले पार्टीको १५औँ महाधिवेशनमा सभापति पदका लागि उम्मेदवारी दर्ता गराएका छन्।
थापाले मंगलबार साँझ ६ बजेर ५ मिनेटमा राष्ट्रिय सभागृहस्थित निर्वाचन समितिको कार्यालय पुगेर सभापति पदमा उम्मेदवारी दर्ता गराएका हुन्।
विशेष महाधिवेशनबाट सभापति निर्वाचित भएका थापाले १५औँ महाधिवेशनबाट पूर्ण कार्यकालका लागि सभापति पदमा उम्मेदवारी दिएका हुन्।
यसअघि सभापति पदमा श्यामकृष्ण खड्गीले उम्मेदवारी दर्ता गराइसकेका छन्। किशोरसिंह राठौरले पनि सभापतिमा उम्मेदवारी घोषणा गरेका छन्।
वर्षाका कारण केही आकांक्षी उम्मेदवारी दर्ताबाट छुट्न सक्ने भन्दै निर्वाचन समितिले मनोनयन दर्ताको समय बेलुकी ७ बजेसम्म थप गरेको थियो।
