Trending
अब मेटामा लगइन झन्झटबिनाको साथै सुरक्षित, जान्नुहोस् नयाँ सुविधा के हो ?     |     सुनको मूल्य स्थिर हुँदा बढ्यो चाँदी, आज कतिमा हुँदैछ किनबेच?     |     यी प्रदेशमा भारी वर्षाको सम्भावना     |     बीवाईडी डल्फिन २०२५ नेपालमा सार्वजनिक     |     हिमालयन एभरेष्ट इन्स्योरेन्सकी सिईओ अन्जु श्रेष्ठ सम्मानित     |     युद्ध अन्त्य र विश्व शान्तिको कामना गर्दै बौद्धमा दीप प्रज्वलन     |     मनिष राउतले ‘जनै हराएको मान्छे : सम्बन्धका धागाहरू’मा किन गरेनन् अभिनय ?     |     स्याउ बिमाको भुक्तानी माग्दै जुम्लामा किसान आन्दोलन     |     नेपाललाई स्कटल्याण्डद्वारा १९४ रनको लक्ष्य     |     अन्धविश्वासविरुद्धको आवाज हो ‘मोहर’ : निर्देशक ओम प्रतीक     |    
खेलकुद

झापाको दमकमा आधुनिक रंगशाला निर्माण गरिने

१६ जेष्ठ २०८२, बिहीबार ११:११

काठमाडौं। सरकारले खेल पूर्वाधारको विकास गर्ने योजना सहित युवा तथा खेलकुद मन्त्रालयलाई ६ अर्ब ८ करोड बजेट बिनियोजन गरेको छ ।

बिहीबार संघीय संसदको संयुक्त बैठकमा बजेट प्रस्तुत गर्दै अर्थमन्त्री बिष्णु पौडेलले खेल पूर्वाधार र संरचनामा लगानी बढाउँदै लैजाने घोषणा गरेका हुन् । जसअनुसार झापाको दकममा अन्तर्राष्टियस्तरको आधुनिक रंगशाला निर्माण गर्ने सरकारले जनाएको छ ।

त्यस्तै काठमाडौंको मूलपानी लगायत मोरङ, कैलाली र रुपन्देही जिल्लामा निर्माणाधीन रंगशालाका लागि ४२ करोड विनियोजन गरिएको छ । कीर्तिपुरको क्रिकेट रंगशालाको स्तरोन्नतिका लागि ४० करोड रुपैयाँ विनियोजन गरिएको अर्थमन्त्री पौडेलले जानकारी दिए ।

उनले चितवनमा निर्माणाधीन गौतमबुद्ध क्रिकेट रंगशालाको सिर्जित सम्पत्ति खरिदका लागि त्रिभुवन विश्वविद्यालय इन्जिनियरिङ अध्ययन संस्थानबाट गरिने मूल्यांकनका आधरमा सशर्त अनुदानको व्यवस्था गरिएको बताए ।

त्यस्तै सरकारले कर्णालीको राजधानी सुर्खेतमा हुने भनिएको दशौँ राष्ट्रिय खेलकुदलाई ५४ करोड बजेट विनियोजन गरेको छ ।

प्रतिक्रिया दिनुहोस्