काठमाडौं। काठमाडौंको बूढानीलकण्ठबाट प्रहरीले २१ किलो सुन बरामद गरेको छ।
अपराध अनुसन्धान कार्यालय, टेकुको टोलीले बिहीबार साँझ बूढानीलकण्ठबाट उक्त परिमाणको सुन बरामद गरेको हो।
प्रहरीका अनुसार सुनसहित केही व्यक्तिलाई समेत पक्राउ गरिएको छ। पक्राउ परेकाहरूमाथि थप अनुसन्धान भइरहेको छ।
बरामद सुन कसको हो भन्नेबारे भने प्रहरीले हालसम्म केही खुलाएको छैन। पक्राउ परेकाहरूसँग सोधपुछ गरी सुनको स्रोत र मालिकसम्म पुग्ने प्रयास भइरहेको एक प्रहरी अधिकारीले जानकारी दिए।
प्रहरीले पक्राउ परेकाहरूलाई पत्रकार सम्मेलनमार्फत सार्वजनिक गर्ने तयारी गरेको जनाएको छ।
