काठमाडौं। मेडिकल व्यवसायी दुर्गा प्रसाईंको नेतृत्वमा ‘नेपाल पथ पार्टी’ दर्ता भएको छ।
निर्वाचन आयोगले बिहीबार प्रसाईंलाई दल दर्ताको प्रमाणपत्र प्रदान गरेको हो। आयोगमा यो दल २२५ नम्बरमा दर्ता भएको छ।
प्रसाईंले आगामी मंसिर ७ गते पार्टीको औपचारिक घोषणा गर्ने जानकारी दिएका छन्। सोही दिन झापाको दमकमा घोषणासभा आयोजना गर्ने तयारी भइरहेको उनले बताए।
यसअघि प्रसाईंले डा. धवलशम्शेर राणासँग मिलेर नयाँ दल खोल्ने तयारी गरेका थिए। यद्यपि, दुवैबीच सहमति हुन नसकेपछि राणाले छुट्टै ‘जय नेपाल पार्टी’ दर्ता गराएका थिए। राणासँगको सहकार्य नमिलेपछि प्रसाईंले अहिले आफ्नै नेतृत्वमा नेपाल पथ पार्टी दर्ता गराएका हुन्।
