मन्त्रिपरिषद्को निर्णयअनुसार प्रधानमन्त्री तथा मन्त्रीहरुको सम्पत्ति विवरण सार्वजनिक भएको छ । जसअनुसार उपप्रधान तथा गृहमन्त्री रवि लामिछानेको नाममा भक्तपुरमा १७ आना जग्गा देखाएका छन्
यस्तै, ग्लोबल आइएमई बैंकमा पाँच हजार रुपैयाँ, नेपाल बैंक लिमिटेडमा एक लाख पाँच हजार रुपैयाँ मात्र लामिछानेले चल सम्पत्तिका रुपमा रहेको छ ।
यस्तै, उनकी श्रीमती निकिता पौडेलको नाममा माइतीको पनि रहेको १० रोपनी जग्गा, ८० तोला सुन, २५ केजी चाँदी, गोपीकृष्ण सेन्ट्रल कम्प्लेक्समा २५ प्रतिशत शेयर रहेको उल्लेख गरेका छन् ।
उनले घर किन्न एक करोड ५० लाख ऋण रहेको उल्लेख छ । निकिता र रविको आयबाट ४२ लाखमा किनेको टाटा नेक्सन इभी कार रहेको सम्पत्ति विवरण पेस गरेका छन् ।
