४ असोज, काठमाडौँ। डिजिटल भुक्तानी नेटवर्क फोनपेले ‘सुपर यात्रा’ अभियान घोषणा गरेको छ ।
दशैँ र तिहारलगायतका चाडपर्व नजिकिँदै गर्दा फोनपेले असोज २ गतेदेखि लागू हुनेगरी प्रतीक्षित ‘सुपर यात्रा’ अभियानको घोषणा गरेको हो ।
यस घोषणाअन्तर्गत प्रयोगकर्ताले हवाई टिकटको खरिदमा आकर्षक क्यासब्याक पुरस्कार पाउने भएका छन् । नयाँ प्रयोगकर्ताहरूले पहिलो हवाइ टिकट बुकिङमा ३ सय रुपैयाँ क्यासब्याक प्राप्त गर्नेछन् भने विद्यमान प्रयोगकर्ताले टिकट खरिदमा २ सय रुपैयाँ क्यासब्याकको लाभ लिन सक्ने बताइएको छ ।
यी क्यासब्याक प्रस्तावहरूका अतिरिक्त फोनपेले रोचक गिफ्टहरूको पनि घोषणा गरेको छ । एक भाग्यमानी विजेताले एक वर्षका लागि निःशुल्क हवाइ टिकट प्राप्त गर्नेछन् । हरेक हप्ता पाँच भाग्यमानी सहभागीहरूले स्मार्टवाच जित्ने अवसर पाउनेछन् ।
‘सुपर यात्रा’ अभियानमार्फत आफ्ना ग्राहकहरूलाई सस्तो र सुविधाजनक यात्रा विकल्प प्रदान चाहेको फोनपेका सीएसओ सुभोद शर्माले बताएका छन् ।
