८ असोज, काठमाडौँ। दशैँतिहार जस्ता ठूला चाडवाड नजिकिँदै गर्दा काठमाडौं उपत्यकामा मानिसहरू बिरामी पर्ने क्रम पनि बढ्दै गएको छ ।
असोज सुरू भएयता शुक्रराज ट्रपिकल तथा सरूवा रोग अस्पताल टेकुको आकस्मिक कक्षमा डेंगीका बिरामीको संख्या बढ्दै गएको छ।आकस्मिक कक्षका इन्चार्ज भालेश्वर यादवका अनुसार अस्पतालमा १० दिनयता डेंगी संक्रमितको संख्यामा उल्लेख वृद्धि भएको छ।
‘असोज १ गते ११ जना, २ गते ३ जना, ३ गते जना २३, ४ गते २८ जना, ५ गते १९ जना र ६ गते १७ जना आकस्मिक कक्षमा भर्ना भएका छन् । जबकि साउन ११ र भदौ महिनाभर ५३ जना मात्रै डेंगुका संक्रमित अस्पतालमा भर्ना भएका थिए’, यादवले भने । यस्तै आइतबार एकैदिन २० जना बिरामीलाई अस्पतालले डिस्चार्ज गरेको उनले बताए ।
