काठमाडौँ। सूर्यज्योति लाइफ इन्स्युरेन्सले ‘सूर्यज्योति केयर्स डिजिटल कार्ड’ र इ-कर्जा सेवा सुरु गरेको छ।
कम्पनीका प्रमुख कार्यकारी अधिकृत प्रकाश विक्रम खत्रीले सूर्यज्योति केयर्स डिजिटल कार्ड र इ-कर्जाका फाइदाहरू, यसका मापदण्ड र सेवा लिने विधिका बारेमा विस्तृत जानकारी दिए। उनले कम्पनीले सधैँ नवीनतम प्रविधिमा जोड दिँदै सेवाहरूमा परिमार्जन र परिष्कृत गर्दै लैजाने कुरामा जोड दिए। साथै दाबी भुक्तानीलाई पहिलो प्राथमिकतामा राखेर कम्पनी अगाडि बढेको बताए।
कम्पनीका प्रमुख कार्यकारी अधिकृत खत्रीका अनुसार, बीमितहरूले अब अनलाइनबाट सजिलै कर्जा लिन सक्छन् । जुन एक क्लिकमै खल्ती वालेट मार्फत प्राप्त गर्न सकिन्छ। हाललाई ५० हजार रुपैयाँसम्मको कर्जा लिन सकिनेछ।
डिजिटल कार्ड मार्फत बीमित र अभिकर्ताहरूले अस्पताल, होटल, शिक्षा संस्था, डिपार्टमेन्ट स्टोर आदि स्थानमा छुट र विशेष सेवा पाउनेछन्।बीमा प्राधिकरणका अध्यक्ष शरद ओझाले बीमितहरुलाई तत्काल आवश्यकता परेको बेला बीमा कम्पनीसम्म नपुगी सेवा प्राप्त गर्न सकिने सन्देश दिने बताए।
