काठमाडौँ। डा. विश्वनाथ पौडेललाई नेपाल राष्ट्र बैंकको गभर्नरमा नियुक्त गर्ने निर्णयविरुद्ध दायर रिट हेर्न आज पनि नभ्याइने भएको छ।
मंगलबार प्रधानन्यायाधीश प्रकाशमान सिंह राउत र न्यायाधीश टेकप्रसाद ढुङ्गानाको इजलासमा ३१औँ नम्बरमा परेको रिट समय अभावका कारण हेर्न नपाइएको हो।
जेठ १२ गते अधिवक्ताहरू विशाल थापा, प्रतिभा उप्रेती र अनन्तराज लुइँटेलले रिट दायर गरेका थिए। सर्वोच्चले जेठ १४ मा कारण देखाऊ आदेश जारी गर्दै दुवै पक्षलाई छलफलमा बोलाएको थियो।
