काठमाडौं। एभरेष्ट बैंक लिमिटेडले बुधबारदेखि इबिएल भर्चुअल क्रेडिट कार्ड सेवा सुरु गरेको छ। मोबाइल बैंकिङ एपमार्फत प्रयोग गर्न सकिने यो पूर्ण डिजिटल कार्ड हो।
ग्राहकले न्यूनतम मापदण्ड पूरा गरेपछि यो सेवा लिन सक्नेछन्। ५० हजारदेखि ५ लाख रुपैयाँसम्मको क्रेडिट सीमा तोकिएको यस कार्डमार्फत फोनपे क्युआर स्क्यान, अनलाइन भुक्तानी तथा कार्ड व्यवस्थापन गर्न सकिनेछ।
बैंकका अनुसार प्रयोग भएको क्रेडिट ४५ दिनसम्म निःशुल्क उपयोग गर्न सकिनेछ। साथै, कुल बक्यौताको १० प्रतिशतदेखि १०० प्रतिशतसम्म भुक्तानी गर्ने लचिलो सुविधा समेत दिइएको छ।
