काठमाडौँ। किराँत मिथमा आधारित नाटक ‘ए थिबेउ ’ काठमाडौँको बत्तिसपुतलीस्थित शिल्पी थिएटर मा माघ ९ गतेदेखि मञ्चन भइरहेको छ।

किराँत समुदायको मिथक, सांस्कृतिक चेतना र कथालाई नाट्य माध्यमबाट प्रस्तुत गर्ने उद्देश्यसहित नाटक तयार पारिएको हो।

नाटकका लेखक गिलु रातोस हुन् भने निर्देशन बेदना खेरेसुङ्मा राई ले गर्नुभएको छ। सह–निर्देशन उमेश सुनाम ले गर्नुभएको हो। नाटक Chhadke Topi Arts को प्रस्तुति हो।

नाटक माघ ९ गतेदेखि फागुन ४ गतेसम्म मञ्चन हुनेछ। हरेक दिन साँझ ५:१५ बजे र शनिबार दिउँसो १:०० बजे नाटक प्रदर्शन हुने जानकारी दिइएको छ। मंगलबार नाटक मञ्चन हुँदैन।

नाट्यप्रेमी दर्शकलाई समय मिलाएर नाटक अवलोकन गर्न आयोजकले आग्रह गरेका छन्।