धनगढी। सुदूरपश्चिम प्रदेशसभा सचिव देवबहादुर बोगटीको राजीनामा स्वीकृत भएको छ। सभामुख भीम भण्डारीले बोगटीले दिएको राजीनामा स्वीकृत गरेका हुन्।

बोगटीले घरायसी कारण देखाउँदै स्वेच्छाले पदबाट राजीनामा दिएका थिए। उनले कात्तिक ३१ गतेदेखि लागू हुने गरी राजीनामा दिएका थिए र सोही दिन सभामुख भण्डारीले राजीनामा स्वीकृत गरेका हुन्।

बोगटी २०७८ सालमा सुदूरपश्चिम प्रदेशसभा सचिवमा नियुक्त भएका थिए। उनको राजीनामा स्वीकृत भएसँगै अब नयाँ सचिव नियुक्तिको प्रक्रिया अघि बढ्ने भएको छ। सभामुख भण्डारीका अनुसार दशैँपछि नयाँ सचिव नियुक्तिको प्रक्रिया अगाडि बढाइनेछ।

सभामुख भण्डारीले भने, ‘उहाँले दिनुभएको राजीनामा स्वीकृत भएको छ। अब दशैँपछि नयाँ सचिव नियुक्तिको प्रक्रिया अघि बढ्छ।’ प्रदेशसभा सचिवालयको प्रशासनिक नेतृत्व गर्ने सचिवको पद रिक्त भएपछि अब नयाँ नियुक्तिको बाटो खुलेको छ।

मौजुदा व्यवस्थाअनुसार प्रदेशसभा सचिवमा सभामुखको सिफारिसमा प्रदेश प्रमुखले नियुक्त गर्ने प्रावधान रहेको छ।