काठमाडौं। भदौ १० गते रसुवाको भोटेकोशी क्षेत्रमा आएको विनाशकारी बाढीमा परी ज्यान गुमाउनेको संख्या १ हजार २०४ पुगेको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बुधबार साँझ ६ बजेसम्म मानव अंगसहित १ हजार २०४ शव फेला परेका छन्। पछिल्लो अन्तर्राष्ट्रिय रिपोर्टहरूले पनि नेपालमा मृतकको संख्या १ हजार नाघिसकेको र हजारौँ अझै बेपत्ता रहेको पुष्टि गरेका छन्।
प्राधिकरणका अनुसार रसुवामा ११५, नुवाकोटमा १५५, तनहुँमा ३८, नवलपरासी पूर्वमा २१७, धादिङमा ६०, नवलपरासी पश्चिममा २०२, गोरखामा ६९ र चितवनमा ३४८ वटा शव फेला परेका छन्।
बाढीमा परी ४ हजार २१६ जना अझै बेपत्ता रहेको प्राधिकरणले जनाएको छ। बेपत्ताको खोजीका लागि सुरक्षा निकायले प्रभावित क्षेत्र, नदी किनार, बाढीले पुरिएका संरचना तथा जलविद्युत् आयोजनाका सुरुङमा खोजी तीव्र बनाएको छ।
