Trending
राजनीतिक नेतृत्व इमानदार र जवाफदेही बन्नुपर्छ : सभामुख अर्याल     |     क्रेडिट कार्डको ब्याजदर १० प्रतिशतमा सीमित गर्ने ट्रम्पको प्रस्ताव     |     एभरेष्ट इन्जिनियरिङ कलेजमा सोसाइजको वार्षिक साधारण सभा सम्पन्न     |     नगरप्रमुखको तयारीमा हिक्मत जंग मल्ल, वडा ११ बाट गाउँ अभियान सुरु     |     प्रधानमन्त्री बालेनको भारत भ्रमण: राज्यमन्त्रीबाट हुने भयो स्वागत     |     चितवन राइनोज एनपिएलको क्वालिफायरमा, काठमाण्डु गोर्खाज बाहिरियो     |     मुस्ताङमा पहिलो चौमासिकमा एक लाख १२ हजार पर्यटक     |     नापजाँचको १२ वर्षपछि सर्लाहीका २७५ परिवारले पाए लालपुर्जा     |     उपाध्यक्ष पौडेलद्वारा एमाले नेतृत्वको सरकारका उपलब्धि प्रस्तुत     |     भाटभटेनी संस्थाद्वारा बागमती प्रदेशका पाँच मन्त्री सम्मानित     |    
समाचार

नगरप्रमुखको तयारीमा हिक्मत जंग मल्ल, वडा ११ बाट गाउँ अभियान सुरु

७ मंसिर २०८३, आईतवार २०:१०

कालिकोट। आगामी स्थानीय तह निर्वाचनलाई मध्यनजर गर्दै खाडाचक्र नगरपालिकामा स्वतन्त्र रूपमा नगरप्रमुख पदमा उम्मेदवारी दिने तयारी गरेका युवा नेता हिक्मत जंग मल्ल गाउँबस्तीमा पुग्न थालेका छन्।

नगरको विकास, सुशासन र जनताको अपेक्षालाई बुझ्ने उद्देश्यले उनले वडा नम्बर ११ बाट आफ्नो गाउँ अभियान अघि बढाएका हुन्।

स्थानीय नागरिकसँग प्रत्यक्ष भेटघाट गर्दै मल्लले नगरका समस्या, आवश्यकता र विकासका प्राथमिकताबारे सुझाव संकलन गरिरहेका छन्। चुनावी नाराभन्दा जनताको वास्तविक आवश्यकता बुझेर योजना बनाउने उद्देश्यका साथ अभियान सञ्चालन गरिएको उनको भनाइ छ।

युवा नेतृत्व गर्दै आएका सागर आचार्यले कालिकोटको भविष्य निर्माण र परिवर्तनका लागि अब युवाहरूले नेतृत्व लिनुपर्नेमा जोड दिएका छन्। उनका अनुसार जिल्लाको विकास र समृद्धिका लागि युवा पुस्ता जिम्मेवारीसहित अघि आउनुपर्ने र परिवर्तनको नेतृत्व युवाले नै गर्नुपर्ने समय आएको छ।

खाडाचक्रको विकासलाई नागरिकको सहभागिता, पारदर्शिता र जवाफदेहितासँग जोड्दै मल्लले स्थानीय समस्या पहिचान गरी जनताको सुझावअनुसार विकासको योजना अघि बढाउने लक्ष्य राखेका छन्। नगरमा भएका विकास प्रयासको समीक्षा गर्दै आवश्यक सुधारका क्षेत्र पहिचान गर्ने पनि अभियानको उद्देश्य रहेको बताइएको छ।

स्वतन्त्र उम्मेदवारीको तयारीसँगै गाउँ अभियानमा जुटेका मल्लले स्थानीय जनताको आवाजलाई आफ्नो प्राथमिकतामा राखेको देखिन्छ। युवा सहभागिता, सुशासन र उत्तरदायी स्थानीय नेतृत्वको अवधारणालाई अघि सारिएको यस अभियानले आगामी स्थानीय तह निर्वाचनमा खाडाचक्रको राजनीतिक वातावरणमा नयाँ बहस सिर्जना गर्ने अपेक्षा गरिएको छ।

प्रतिक्रिया दिनुहोस्