२० मंसिर, धनगढी। सुदूरपश्चिम प्रदेशको सामाजिक तथा पर्यटकीय क्षेत्रहरुको संग्रहित म्युजिक भिडियो संग्रहसहितको “दृष्यमा सुदूरपश्चिम” धनगढीमा शुक्रबार विमोचन हुने भएको छ ।

कार्यक्रममा सुदूरपश्चिम प्रदेशबाट विभिन्न क्षेत्रमा विशिष्ठ योगदान दिन सफल व्यक्तित्व सम्मानका साथै समृद्ध सुदूरपश्चिमका लागि कला, संस्कृति र पर्यटन भूमिका विषयक अन्तरक्रिया पनि हुने भएको छ ।

एभरेष्ट ग्यालरी प्रा लिको आयोजनामा शुक्रबार धनगढीको फ्लोरा होटेलमा बिहान साढे ८ बजेदेखि हुने उक्त कार्यक्रममा सुदूरपश्चिम प्रदेशका मुख्यमन्त्री कमलबहादुर शाह, प्रतिनिधि सभा सदस्य तारा लामा तामाङ, सामाजिक विकास मन्त्री मेघराज खड्का ,आन्तरिक मामिला मन्त्री हिरा सार्की तथा उद्योग, पर्यटन, वन तथा वातावरण मन्त्री लक्ष्मण किशोर चौधरी लगायत सुदूरपश्चिम प्रदेशका विभिन्न क्षेत्रका प्रभावशाली व्यक्तित्वहरुको उपस्थिति रहने कार्यक्रम संयोजक सनम कठायतले जानकारी दिए ।