काठमाडौं। आगामी शुक्रबारबाट रिलिज हुने फिल्म हो ‘कार्साङ’ । फिल्मको अग्रिम बुकिङ खुल्ला भएको छ । क्यूएफएक्स चेनलगायत केही मल्टिप्लेक्सले ‘कार्साङ’ को अग्रिम टिकट बुकिङ खुला गरेको हो ।
शुक्रबारबाट रिलिज हुने चलचित्रको अग्रिम बुकिङ पनि खुला भएको छ । क्यूएफएक्स चेनलगायत केही मल्टिप्लेक्सले ‘कार्साङ’को अग्रिम टिकट बुकिङ खुला गरेका हुन् ।
देशभरका हलहरूले सुखद् शो दिँदै बुकिङ खुलाएसँगै देशकै ठूलो मल्टिप्लेक्स चेन क्यूएफएक्समा यो चलचित्रले काठमाडौं उपत्यकाका आउटलेटमा २५ शो पाएको छ । काठमाडौं बाहिरका स्टेशनमा पनि ‘कार्साङ’लाई क्यूएफएक्सले २८ शो उपलब्ध गराएको छ । रिलिजको पहिलो दिन नै १३० शो पाउनु राम्रो हो। यदि चलचित्रको वर्ड अफ माउथ बलियो भएमा शो थपिँदै जाने हो ।
यसैगरी दोस्रो ठूलो मल्टिप्लेक्स चेन आईएनआई सिनेमाजले यो चलचित्रलाई आफ्ना तीनवटा आउटलेटमा १५ शो दिएको छ । त्यसैगरी, एफ क्युब सिनेमाजले र विएसआर मुभिजले पनि ६-६ शो उपलब्ध गराएका छन् । बिग मुभिज र वान सिनेमाजमा भने बुकिङ खुला हुन बाँकी छ ।
यम शेर्पाको लेखन तथा निर्देशन रहेको चलचित्र ‘कार्साङ’ ग्रामीण परिवेशमा आधारित पारिवारिक कथावस्तुमा केन्द्रित चलचित्र हो । २ घन्टा ५ मिनेटको चलचित्रले अभाव, गरिबी र शेर्पा समुदायको सांस्कृतिक कथावस्तुलाई प्रस्तुत गर्छ ।
