११ माघ, काठमाडौँ। पारामाउन्ट एकेडेमी र न्युटनले प्रथम ज्ञान संस्कार अन्तरविद्यालय बास्केटबल प्रतियोगिताको जुनियर ब्वाइज शुक्रबार विजयी सुरुआत गरेके छन् ।
सामाखुशीस्थित आयोजक ज्ञान संस्कार इन्टरनेसनल स्कुलको कोर्टमा पारामाउन्ट ज्ञान संस्कारलाई २७–२० ले पराजित भएको छ ।पारामाउन्टको जितमा सुशान्त थापाले ६ अंक योगदान गरे । आशिष राईको १० अंक सहयोगमा न्युटनले नेचरलाई ३०–२३ ले हरायो ।
जुनियर ब्वाइजमै एन्जल्स हार्टले ह्वाइट माउन्टेनलाई ३९–२४, संस्कृतिले फ्युजन एकेडेमीलाई २५–१४, एचएचसीएले इडेन ब्रिज एकेडेमी (इबीए) लाई ३०–२५, भ्याली पब्लिकले किङडमलाई ३४–२४ र ग्रिनल्यान्डले बसन्त ऋतुलाई २४–१५ ले पाखा लगाए । एन्जल्स हार्टका आकाश घलेले १६, संस्कृतिका अध्याय ठकुरीले ११, एचएचसीएका विशाल नगरकोटीले १८ र भ्याली पब्लिकका अशोक विश्वकर्माले १३ र ग्रिनल्यान्डका राहुल ठगुन्नाले ११ स्कोर गरे ।
जुनियर गल्र्समा टीआईएले एन्जल्स नेसनल स्कुललाई १०–५, बौद्ध चिल्ड्रेन हेभेनले ग्रिनल्यान्डलाई ४१–३३, केभीकेएसएसले ज्ञान संस्कारलाई १६–१०, इबीएले रिब्सलाई ९–३ र भ्याली पब्लिकले न्युटनलाई १९–१५ ले पन्छाए । टीआईएकी शुभश्री सुमनले ८, बौद्धकी जस्मिन गुरुङले १६, केभीकेएसएसकी खुशी मिटोकले ८, इबीएकी अनामिका पटेलले ५ र भ्याली पब्लिककी सोनीमाया तामाङले ९ अंक बटुलेको छ ।
प्रतियोगिताको नेपाल बास्केटबल संघका महासचिव नरेन्द्र थापा र ज्ञान संस्कारकी प्रधानाध्यापक निलम बानिया बडूले एक कार्यक्रमबीच संयुक्त रुपमा उद्घाटन गरे । माघ १८ गतेसम्म च जुनियर ब्वाइजमा २४ र जुनियर गल्र्समा १६ गरी ४० टिम सहभागी छन् ।
