सुर्खेत। नेपाल खेलकुद महासंघ कर्णाली प्रदेशको दोस्रो अधिवेशनबाट प्रमोद हमाल अध्यक्षमा निर्वाचित भएका छन्। सुर्खेतको वीरेन्द्रनगरमा सम्पन्न अधिवेशनले २९ सदस्यीय नयाँ कार्यसमिति सर्वसम्मतरूपमा चयन गरेको हो।
कार्यसमितिमा डम्बरबहादुर शाही र पूर्णबहादुर शाही उपाध्यक्षमा चयन भएका छन् भने सचिवको जिम्मेवारी शशिराम विश्वकर्मालाई दिइएको छ। उप–सचिवमा भक्तबहादुर शाह र रेखा बुढा चयन भएका छन्। त्यस्तै, कोषाध्यक्षको रूपमा जगतप्रसाद रिजाल चयन भएका छन्।
सदस्य भुगोलमा रमेश कार्की मुगु, तिलक बुढा डोल्पा, दिलिप चौलागाई (कालिकोट), जयबहादुर बुढा (जुम्ला), बलबहादुर फडेरा (हुम्ला), नविन सिंह (जाजरकोट), दिपक मल्ल (रुकुम पश्चिम), सुदिप शाही (दैलेख), रमेश नेपाली र सन्तोष शाही (सुर्खेत) छन् ।
सदस्य खुलामा जगदिश विष्ट (कालिकोट), मानबहादुर रावल (जुम्ला), भुपेन्द्र विक (मुगु), महेश धरला (डोल्पा), तिलक बादी (रुकुम पश्चिम), ललितजंग कार्की (हुम्ला), भीमबहादुर शाही (जाजरकोट), निशा किरण राना (सुर्खेत) र जानकी तारामी मगर (सुर्खेत) छन् । बाँकी ६ सदस्य कार्य समितिको बैठकबाट मनोनित गरिनेछ ।
