कर्णाली। कर्णाली प्रदेश सरकारले बुधबार प्रदेशभर सार्वजनिक बिदा दिएको छ। स्थापना तथा शहीद दिवसको अवसरमा दिइएको यस बिदाका कारण सबै सरकारी कार्यालय तथा सार्वजनिक सङ्घ–संस्था बन्द रहेका छन्।
आन्तरिक मामिला तथा कानून मन्त्रालयका प्रवक्ता उत्तम गौतमका अनुसार २०८१ चैत १७ गते बसेको मन्त्रिपरिषद् बैठकको निर्णयअनुसार भदौ ४ गतेका लागि सार्वजनिक बिदा तय गरिएको हो।
दिवसको अवसरमा बुधबार बिहान प्रभातफेरि आयोजना गरिएको छ भने बिहीबारसम्म विभिन्न कार्यक्रम गर्दै स्थापना तथा शहीद दिवसलाई उत्सवका रूपमा मनाइने मन्त्रालयले जनाएको छ।
