काठमाडौँ। नेपालले बुधबार भुटानको थिम्पुस्थित चाङ्लिमिथाङ रंगशालामा भएको दक्षिण एसियाली फुटबल महासंघ (साफ) यू-१७ महिला च्याम्पियनसिपको पहिलो खेलमा भारतसँग ७–० को फराकिलो हार बेहोरेको छ ।
खेलमा भारतका लागि अविस्ता बस्नेत, निरा चानु लोङ्जम, अनुष्का कुमारी र जुलन नोन्गमाइथिमले गोल गरे । अविस्ताले दुई, निराले दुई, अनुष्काले दुई र जुलनले एक गोल गर्दै भारतको विजय सुनिश्चित गरे ।
खेलको १४औँ मिनेटमा अविस्ताले गोल गर्दै भारतलाई अग्रता दिलाइन्। त्यसको ९ मिनेटपछि निराले टोलीको अग्रतालाई दोब्बर पारिन् । ३३औँ मिनेटमा अनुष्काले गोल गर्दै स्कोर ३–० बनाइन् भने ४१औँ मिनेटमा अविस्ताले व्यक्तिगत दोस्रो गोल गर्दै भारतको अग्रतालाई ४–० पुर्याइन् ।
पहिलो हाफको इन्जुरी समयमा जुलनले गोल गर्दै भारतलाई ५–० को आरामदायी अग्रता दिलाइन् । दोस्रो हाफमा निराले ५६औँ मिनेटमा व्यक्तिगत दोस्रो गोल गर्दै स्कोर ६–० पुर्याइन् । ६३औँ मिनेटमा अनुष्काले व्यक्तिगत दोस्रो र टोलीका लागि सातौं गोल गर्दै खेल समाप्त भए ।
