सल्यान। सल्यानको बाग्चौर नगरपालिका–९ परिलेखकी २४ वर्षीया गीता ओलीको भीरबाट खस्दा मृत्यु भएको छ ।
स्थानीय मोखल्यान सामुदायिक वनमा बाख्रा चराएर घर फर्कँदै गरेकी ओली सोमबार बेलुकी करिब ७ बजेतिर भीरबाट करिब ५ सय मिटर तल खसेकी थिइन् ।
उनको टाउकामा गहिरो चोट लागेपछि गम्भीर घाइते अवस्थामा जिल्ला अस्पताल सल्यानतर्फ ल्याइँदै गर्दा बाटैमा ज्यान गएको जिल्ला प्रहरी कार्यालय सल्यानका सूचना अधिकारी प्रहरी निरीक्षक बाबुराम बस्नेतले जानकारी दिए ।
ओलीको अकस्मात मृत्युले गाउँमा शोक छाएको छ ।
