सल्यान। सल्यानमा बिहीबार दिउँसो जिप दुर्घटना हुँदा १९ जनाको घाइते भएको छ।
शारदा नगरपालिका–१२ तिमिलेबाट श्रीनगर तर्फ आउँदै गरेको लु १ ज २३६८ नम्बरको जिप रेसमज्युलानजिकै ग्रामीण सडकमा अनियन्त्रित भएर करिब ५ मिटर तल खसेको हो।
जिल्ला प्रहरी कार्यालयका अनुसार सबै घाइतेलाई कर्णाली अस्पताल, श्रीनगरमा उपचारका लागि लगिएको छ। जिपमा २० जना सवार थिए। दुर्घटनापछि जिप चालक वर्ष २३ का सुरेश बुढाथोकी प्रहरी नियन्त्रणमा छन् र घटना सम्बन्धी अनुसन्धान जारी छ।
