काठमाडौँ। रुपन्देही ३ को उपनिर्वाचनका लागि राष्ट्रिय स्वतन्त्र पार्टी (रास्वपा) ले डा. लेखजंग थापालाई उम्मेदवार बनाएको छ।
आइतबार साँझ पत्रकार सम्मेलनमा कार्यवाहक सभापति डीपी अर्यालले प्राइमरीबाट थापा चयन भएको जानकारी दिए। प्राइमरीमा निर्वाचन क्षेत्रका स्थानीय, जिल्ला र केन्द्रका नेताहरूले मत दिएका थिए।
यसअघि ९ जनाले उम्मेदवारी दर्ता गरेका थिए। थापासँगै पार्थिवेन्द्र उपाध्याय, ज्ञानु पौडेल, जितबहादुर गुप्ता, मधुप्रसाद अर्याल, पुनमकुमारी अग्रवाल, सुलभ खरेल, कुसुम महर्जन र रचना क्षेत्री आकांक्षी थिए।
रास्वपाले प्राइमरीको प्रक्रिया दक्षिण एशियामै पहिलोपटक भएको दाबी गरेको छ। रुपन्देही ३ मा दीपक बोहोराको निधनपछि रिक्त भएको स्थानमा आगामी कातिक १७ गते मतदान हुनेछ।
