सल्यान। पानी खान मुहानमा ओर्लिएका बेला सडक माथिबाट खसेको ढुंगाले सल्यानका एकजनाको मृत्यु भएको छ भने अर्का घाइते भएका छन्।
मृतक विजय बुढा, बन्गाड कुपिण्डे नगरपालिका-११ का रहेका छन्। उनले ४७ वर्षीया मनिषा गन्धर्वसँगै भे ६ प ५६२ नम्बरको मोटरसाइकलमा सुर्खेतको बोटेचौरबाट सल्यानको आपचौरतर्फ जाँदै थिए।
पोखरेस्थित धागेचरी मुहानमा पानी पिउँदै गर्दा माथिबाट खसेको ढुंगाले उनीहरूलाई ठक्कर दिएको थियो। स्थानीय खिमलाल बिकका अनुसार घाइते दुवैलाई परिवार, स्थानीय र प्रहरीले उद्धार गरी कर्णाली प्रदेश अस्पताल, सुर्खेत पुर्याएका थिए। उपचारको क्रममा विजय बुढा बुधबार राति मृत्यु भएका छन् भने मनिषाको उपचार जारी छ।
