काठमाडौं। काठमाडौं गोकर्णेश्वर नगरपालिका-५ बाहुनधारास्थित सडकमा एक व्यक्तिलाई खुकुरी प्रहार गरी फरार भएका तीन जना पक्राउ परेका छन्।
काठमाडौं उपत्यका अपराध अनुसन्धान कार्यालयका अनुसार पक्राउ पर्नेमा सिन्धुपाल्चोक पाँचपोखरी थाङ्पाल गाउँपालिका-१ का २८ वर्षीय लोप्साङ बम्जन, नुवाकोट शिवपुरी गाउँपालिका-१ का २६ वर्षीय सुमन तामाङ र सोही ठाउँका ३० वर्षीय कुमार तामाङ रहेका छन्।
उनीहरूलाई कार्यालयको टोलीले भारत पुगेर ल्याएको बताइएको छ। कार्यालयका प्रवक्ता प्रहरी उपरीक्षक काजीकुमार आचार्यले भने उनीहरू कञ्चनपुर भीमदत्त नगरपालिका-१० गड्डा चौकीस्थित नेपाल-भारत सीमाबाट शनिबार पक्राउ परेका बताए।
बाहुनधारा सडकमा ४ साउन २०८२ मा गत १२ साउनको राति साढे ९ बजे काभ्रे रोशी गाउँपालिकाका जितबहादुर मोक्तानमाथि सामूहिक रूपमा खुकुरी प्रहार भएको थियो।
मोक्तानलाई सख्त घाइते बनाएर आक्रमणकारी फरार भएका थिए। पक्राउ परेकालाई अनुसन्धानका लागि प्रहरी वृत्त बौद्ध पठाइएको छ।
