काठमाडौं। एएफसी यु–२३ एसियन कप खेल्न ताजकिस्तान पुगेको नेपाली टोलीले विमानस्थलमै रात बिताएको छ।
टोली बुधबार राति फर्किने तय थियो। तर, उडान हुन नसकेपछि टोली अलपत्र परेको हो। टोलीमा रहेका खेलाडीका अनुसार दुशान्बेमा हिजो धेरैजसो होटल प्रायः भरिएका थिए। त्यसैले राति होटल व्यवस्थापन गर्न निकै कठिन भएपछि टोलीले विमानस्थलमै रात बिताएको हो।
पूरा रात विमानस्थलमै बिताएपछि टोलीलाई बिहान मात्रै होटलमा लगिएको अखिल नेपाल फुटबल संघ (एन्फा)ले जनाएको छ। अहिले टोली एफसी इस्तिक्लोलको प्रशिक्षण मैदान नजिकैको होटलमा लगेर राखिएको एन्फाले बताएको छ।
