काठमाडौं। जेन-जी आन्दोलनका क्रममा हालसम्म ५१ जनाको मृत्यु भएको छ।
केन्द्रीय प्रहरी प्रवक्ता प्रहरी नायब महानिरीक्षक विनोद घिमिरेका अनुसार शुक्रबारसम्म ५१ जनाको मृत्यु भएको हो। उनका अनुसार २१ जना प्रदर्शनकारीको मृत्यु भएको छ। ९ जना कैदीहरूको मृत्यु भएको छ।
प्रहरीका तीन जनाको आन्दोलनका क्रममा मृत्यु भएको घिमिरेले बताए। अन्य १८ जनाको जेन-जी आन्दोलनका क्रममा मृत्यु भएको छ। “ती १८ मा कसैको जलेर, कसैको छतबाट खसेर मृत्यु भएको भन्ने विवरण छ,” घिमिरेले भने।
मृत्यु भएका व्यक्तिहरूको पहिचान खोजिरहेको र सबैको खुलिनसकेको उनले बताए।
