सुर्खेत। कर्णाली प्रदेशका मुख्यमन्त्री यामलाल कँडेलले जेन-जी आन्दोलनमा सुर्खेतमा क्षतिग्रस्त भएका सरकारी र पार्टी कार्यालयहरूको अनुगमन गरेका छन्।
शनिबार उनले आगलागी र तोडफोडको निरीक्षण गरी क्षतिको विवरण लिएका छन्। मंगलबार आन्दोलनकारीहरूले नेपाली कांग्रेस, नेकपा एमाले, नेकपा माओवादी केन्द्रका कार्यालयमा तोडफोड गर्दै आगजनी गरेका थिए।
साथै वीरेन्द्रनगर नगरपालिकाको कार्यालय, प्रदेश सभा, नापी कार्यालय र मुख्यमन्त्री तथा मन्त्रिपरिषद्को कार्यालयमा पनि आगजनी भएको थियो।
मुख्यमन्त्री कँडेलका सरकारी र निजी निवासमा समेत तोडफोड भएको अवस्थामा उनले तत्काल सुधार र सुरक्षा उपायको खाका तयार गर्न निर्देशन दिएका छन्।
