काठमाडौं। राष्ट्रपति रामचन्द्र पौडेलले आइतबार तीन जना नयाँ मन्त्री नियुक्त गरेका छन्।
प्रधानमन्त्री सुशीला कार्कीको सिफारिसमा पूर्वअर्थ सचिव रामेश्वर खनाल, नेपाल विद्युत् प्राधिकरणका पूर्वकार्यकारी निर्देशक कुलमान घिसिङ र अधिवक्ता ओमप्रकाश अर्याललाई मन्त्रीमा नियुक्त गरिएको हो।
खनाललाई अर्थ मन्त्रालयको जिम्मेवारी दिइएको छ भने अधिवक्ता अर्याललाई गृह तथा कानुन मन्त्रालय सम्हाल्ने जिम्मा दिइएको छ। यस्तै, पूर्वकार्यकारी निर्देशक घिसिङलाई उर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकास मन्त्रालयको नेतृत्व गर्ने जिम्मेवारी दिइएको छ।
नवनियुक्त मन्त्रीहरूले सोमबार शपथग्रहण गर्ने कार्यक्रम रहेको राष्ट्रपति कार्यालयले जनाएको छ।
