विश्वचर्चित कम्पनी एप्पलले अर्को महिना वर्ल्ड वाइड डेभलपर्स कन्फ्रेन्स (डब्लूडब्लूडीसी) गर्दैछ । अन्तराष्ट्रिय समाचार स्रोतका अनुसार एप्पलले निम्नानुसारका फिचरहरु थप गर्दैछ ।
नयाँ अपडेटसँगै अब आईफोन आँखाको भरमा नै प्रयोग गर्न सकिने छ । कम्पनीका अनुसार प्रयोगकर्ताले आफ्नो आईफोन र आईप्याड आँखाको चालको आधारमा प्रयोग गर्न सक्नेछन् ।
अर्थात् अब कुनै एप ओपन गर्ने, स्क्रिन स्क्रोल गर्न, स्वाइप गर्ने लगायतका काम आँखाबाटै गर्न सकिनेछ । यो फिचरका लागि कम्पनीले एआई टुल प्रयोग गर्ने बताइएको छ ।
त्यस्तै कम्पनीले दृष्टिविहीन प्रयोगकर्तालाई ध्यानमा राख्दै आफ्नो ब्रेल फिचरमा केही नयाँ फिचर थप गर्ने भएको छ ।
नयाँ अपडेटसँगै मल्टि लाइन ब्रेलसँगै इन्पुट र आउटपुट टेबलहरू छनोट गर्न सकिने फिचर उपलब्ध हुनेछ ।
