१३ असोज,काठमाडौँ।करिब २५ घण्टापछि कोशी पुल खुला भएको छ । पानीको बहाव घटेपछि आवतजावत खुला गरिएको हो ।

 कोसी ब्यारेजको पुलमा आइतबार साँझ साढे ५ बजेबाट आवागमन खुला गरिएको छ । पानीको बहाव घटेको र पुलमा रहेको फोहोर सफा गरिएपछि यातायात र पैदलयात्रीलाई आउजाउ गर्न दिने निर्णय गरिएको सप्तरीका प्रमुख जिल्ला अधिकारी मेखबहादुर मग्रातीले जानकारी दिए ।

खतराको सबै संकेत पार गरिसकेको कोशी नदीमा पछिल्लो समय पानीको बहाव घटेको छ । आइतबार बिहानसम्म साढे ६ लाख क्युसेकभन्दा धेरै बहाव मापन भएको कोशीमा दिउँसो २ बजेपछि तीन लाख ९८ हजार ३७० क्युसेक मापन भएको कोशी ब्यारेज नियन्त्रण कक्षले जनाएको छ ।