१३ असोज,काठमाडौँ।संघीय राजधानी काठमाडौं आवतजावत गर्ने मुख्य नाका अवरुद्ध भएपछि उपत्यका बाहिरिने सवारीसाधनको नागढुङ्गामा लामो लाइन लागेको छ ।
अविरल वर्षासँगै गएको पहिरोले झ्याप्लेखोलामा पहिरो गएपछि उपत्यका छाड्ने सवारीसाधानहरु नागढुङ्गामा रोखिएका हुन् । बिशेषगरि नेपाल भ्रमणमा आएका भारतीय पर्यटक चढेका गाडीहरू नागढुङ्गामा रोकिएका छन् ।
नागढुङ्गामा भेटिएका भारतीय पर्यटकहरुले सडक अवरुद्ध हुदा दुई दिनदेखि रोकिनुपरेको गुनासो गरे । उनीहरुले छिटै सडक खुल्ला हुने र गन्तव्यतर्फ जाने विश्वास व्यक्त गरे ।
यात्रुहरू हिँड्दै थानकोटसम्म आइपुग्ने प्रयासमा छन्। दिनभर यो क्षेत्रमा यात्रुहरू आ–आफ्ना झोला बोकेर हिडोमा गाडिँदै भएपनि पाइला चाल्ने प्रयासमा देखिन्थे। बाटोमै अलपत्र परेका यात्रुहरूलाई काठमाडौँ ल्याउन सशस्त्र प्रहरीले साँझदेखि बसको व्यवस्था गरेको छ।
