काठमाडौं। युरोपीयन च्याम्पियन्स लीग फूटबल प्रतियोगितामा घरेलु टोली बार्सिलोना पेरिस सेन्ट जर्मेन (पीएसजी)सँग पराजित भएको छ।
गएराती सम्पन्न खेलमा पिएसजीले बार्सिलोनालाई २-१ गोल अन्तरले पराजित गरेको हो।
खेलको १९ औं मिनेटमा फेरान टोरेसले गोल गर्दै घरेलु टोलि बार्सालाई सुरुवाती अग्रता दिलाएका थिए। ३८ औं मिनेटमा सेन्नी मायुलुले गोल गर्दै पिएसजीलाई बराबरीमा ल्याए । यस्तै, खेल सकिनै लाग्दा अन्तिमतिर अर्थात् ९० औं मिनेटमा गोन्कालो रामोसले गोल गर्दै पिएसजीलाई जित दिलाए ।
यो जितपछि पिएसजीको २ खेलमा ६ अंक भएको छ भने हाल अंक तालिकामा तेस्रो स्थानमा रहेको छ । त्यस्तै बार्सिलोनाको भने २ खेलमा ३ अंक रहेको छ भने हाल अंक तालिकामा १६औं स्थानमा रहको छ ।
