काठमाडौं। हङकङ सिक्सेसमा नेपालले भारतलाई ९२ रनले हराएको छ । हङकङमा चलिरहेको प्रतियोगितामा निर्धारित ६ ओभरमा नेपालले बिना विकेट क्षतिमा १३७ रन बनाएकामा जवाफी ब्याटिङमा भारतले ४५ रन बनाएको हो ।
टस जितेर ब्याटिङ थालेको नेपालका लागि राशिद खानले ५५ रनको अर्धशतकीय पारी खेले । सन्दी जोराले ४७ रन बनाउँदा लोकेश बमले ३१ रन बनाए ।
जवाफी ब्याटिङमा उत्रिएको भारतको लागि कुनै पनि ब्याट्सम्यान चलेनन् ।भरत चिप्ली र पियंक पञ्चलले १२–१२ रन बनाए । नेपालका लागि राशिद खानले ३, बासिर अहमदले २ र रुपेश सिंहले १ विकेट लिए ।
दुवै टोली प्रतियोगिताबाट बाहिरिइसकेका छन् । नेपालले यसअघिका तीनवटै खेलमा पराजय बेहोरेको थियो भने भारतले तीनमध्ये २ खेल हारेको थियो । नेपाल अफगानिस्तानसँग १७ रन, साउथ अफ्रिकासँग ४ विकेट र श्रीलंकासँग ३ विकेटले हारेको थियो । नेपालले अन्तिम खेल यूएईसँग खेल्नेछ ।
