रुकुम पश्चिम। रुकुम पश्चिममा करेन्ट लागेर एक युवकको मृत्यु भएको छ। मृत्यु हुनेमा आठबिसकोट नगरपालिका–२ का २२ वर्षीय प्रकाश थापा रहेका छन्।

जिल्ला प्रहरी कार्यालय रुकुम पश्चिमका सूचना अधिकारी हरि पुनका अनुसार, शुक्रबार दिउँसो करिब १२ः३० बजे आठबिसकोट नगरपालिका–३ मा सजिलो इन्टरनेटको जडान गर्ने क्रममा करेन्ट लागेर थापाको मृत्यु भएको हो।

पुनका अनुसार थापाले इन्टरनेटको तार जडान गर्ने क्रममा अनाहकमा करेन्टको तार छोएको प्रारम्भिक अनुसन्धानबाट बुझिएको छ। करेन्ट लागेपछि उनी गम्भीर घाइते भएका थिए र उपचारका लागि अस्पताल लैजाने क्रममा बाटैमा उनको मृत्यु भएको प्रहरीले जनाएको छ।