काठमाडौं। नेकपा (एमाले) को ११औँ राष्ट्रिय महाधिवेशनमा महासचिव पदमा पराजित भएका पूर्वउपाध्यक्ष सुरेन्द्र प्रसाद पाण्डे केन्द्रीय सदस्य पदमा पनि निर्वाचित हुन असफल भएका छन् ।
महाधिवेशनबाट नयाँ नेतृत्व चयनका लागि भएको निर्वाचनमा पाण्डेले महासचिव पदमा शंकर पोखरेलसँग पराजय बेहोरेका थिए । पोखरेलले १२२८ मत प्राप्त गर्दा पाण्डेले ९९९ मत मात्र ल्याएका थिए ।
केन्द्रीय सदस्यको निर्वाचनमा पनि पाण्डेको प्रदर्शन कमजोर देखियो । उनले जम्मा ९६१ मत प्राप्त गरेका छन् ।
महाधिवेशनमा अध्यक्ष पदमा केपी शर्मा ओली ठूलो मतान्तरले विजयी भएका छन् भने पदाधिकारी र केन्द्रीय सदस्यमा पनि ओली पक्षको नै प्रभुत्व देखिएको छ ।
