युक्रेन। पूर्वी युक्रेनमा रूसी ड्रोनले आक्रमण गर्दा पाँच वर्षीय बालकसहित चार जनाको ज्यान गएको स्थानीय अधिकारीहरूले शुक्रबार बताएका छन् ।
क्रेमलिनको आक्रमणकारी सेनाको मुख्य उद्देश्य रहेको डोनेट्स्क क्षेत्रमा बिहीबार भएको आक्रमणले अन्य पाँच जनालाई घाइते बनाउनुका साथै दुई घरहरू ध्वस्त पारेको स्थानीय अधिकारीरूले बताएका छन् ।
मत्यु हुनेमा “एकजना ३२ वर्षीय पुरुष र उनका ५ वर्षीय छोरा र उनीहरूका दुई छिमेकीहरु रहेको अधिकारीहरुले टेलिग्राम मार्फत विज्ञप्ति जारी गर्दै जनाएका छन् ।
चेरकास्के गाउँमा भएको आक्रमणमा तीन जना किशोरी र एक ३४ वर्षीया महिला घाइते भएको जनाइएको छ ।
मस्कोले पूर्ण नियन्त्रण नभए पनि सन् २०२२ को अन्त्यमा औद्योगिक क्षेत्रलाई आफ्नो कब्जामा लिएको दाबी गरेको छ ।
मस्कोले युक्रेनी सेनाहरूले लगभग चार वर्ष अघि सुरु गरिएको पूर्ण आक्रमण अन्त्य गर्न कुनै पनि शान्ति सम्झौताको भागको रूपमा डोनेट्स्क छोड्नुपर्ने माग गरि रहेको छ ।
क्रेमलिन समर्थकको पछाडि आफ्नो सैन्य र राजनीतिक प्रभाव देखाए पछि रूसले यस क्षेत्रका केही भागहरू र छिमेकी लुगान्स्कमाथि नियन्त्रण राखेको छ । रासस
