काठमाडौँ। नेपाली बजारमा आज सुनको मूल्य घटेको छ भने चाँदी बढेको छ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोलामा एक हजार रूपैयाँले घटेर दुई लाख ९० हजार पाँच सय रूपैयाँमा किनबेच भइरहेको छ। मंगलबार सुनको मूल्य प्रतितोला दुई लाख ९१ हजार पाँच सय रूपैयाँमा कारोबार भएको थियो।

यस्तै, चाँदीको मूल्य भने बढेको छ। मंगलबार प्रतितोला पाँच हजार ६० रूपैयाँमा कारोबार भएको चाँदी यसदिन तोलामा पाँच हजार ८० रूपैयाँमा किनबेच भइरहेको छ। आज चाँदीको मूल्य अघिल्लो दिनको तुलनामा प्रतितोला २० रूपैयाँ बढेको हो।