काठमाडौँ। राष्ट्रिय स्वतन्त्र पार्टीका सभापति रवि लामिछाने र भारतीय विदेशमन्त्री एस जयशंकरबिच भेटवार्ता भएको छ। भारत भ्रमणमा रहेका सभापति लामिछाने र विदेशमन्त्री जयशंकरबिच दिल्लीमा भेट भएको हो।
छलफल विकास साझेदारी र जनस्तरको सम्बन्धमा केन्द्रित रहेको विदेशमन्त्री जयशंकरले सामाजिक संजालमार्फत जानकारी दिएका छन्।
‘नेपालको राष्ट्रिय स्वतन्त्र पार्टीका सभापति रवि लामिछाने र उहाँको प्रतिनिधिमण्डलसँग आज दिल्लीमा भेट्न पाउँदा खुसी लाग्यो।
हाम्रो छलफल विकास साझेदारी र जनस्तरको सम्बन्धमा केन्द्रित रह्यो। विकास र समृद्धिलाई प्रवर्द्धन गर्न यिनको भूमिका महत्त्वपूर्ण रहन्छ,’ उनले लेखेका छन्।
