काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले रास्वपामा गरिएका सहमतिका एक–एक अक्षरमा पालना गर्ने प्रतिबद्धता जनाएका छन् ।
उनले चुनावअघि नै बालेनको खुट्टामा बल पुर्याइएको भन्दै अब गोल हान्ने जिम्मा बालेनकै भएको प्रष्ट पारे ।
आज पार्टीको पहिलो महाधिवेशन उद्घाटन समारोहमा बोल्दै लामिछानेले रास्वपामा फाटो ल्याउने र लडाउने प्रयास निकै भइरहेको टिप्पणी गरे ।
उनले भने, ‘हामीले नेपाली जनता र इतिहासलाई साक्षी राखेर रास्वपामा सहमति गरेका छौँ । सहमतिको एक–एक अक्षर इमान्दारिताका साथ पालना गर्ने यहाँ उभिएर म प्रण गर्छु ।
उनले रास्वपा नेतृत्वमा दुई तिहाइको सरकार बनेको र त्यसको पार्टीले निगरानी गरिरहेको बताए ।
लामिछानेले थपे, ‘रास्वपाले चुनाव अघि नै बालेन्द्र शाहको खुट्टामा बल पुर्याइसकेको छ । अब फटाफट गोल हान्ने जिम्मा सम्माननीय प्रधानमन्त्री बालेनजीको । उहाँले यसको निरन्तरता दिइरहनुभएको छ । झुक्किएर त्यो बल कहीँ आएछ भने फेरि त्यही खुट्टामा पास गर्ने जिम्मा मेरो । यहाँ मुख मिठ्याउनेहरु धेरै छन् । म तीनलाई जवाफ दिन होइन इतिहासलाई जवाफ दिन बोलिरहेको छु ।’
