काठमाडौं । जिल्ला अदालत काठमाडौंले नक्कली शरणार्थी प्रकरणमा मुछिएकामध्ये दोषी ठहर भएका आरोपितहरूको सजाय निर्धारण गरेको छ ।
न्यायाधीश तेजबहादुर खड्काको इजलासले ठगी, संगठीत अपराध र राज्यविरुद्धको कसुरमा मुछिएकाहरूलाई सजाय निर्धारण गरेको हो ।
अदालतले पूर्वगृहमन्त्री बालकृष्ण खाणलाई दुई वर्ष कैद सजाय र २० हजार जरिवाना निर्धारण गरेको छ ।अदालतले शरणार्थी नेता टेकनाथ रिजाललाई दुई वर्ष कैद र २० हजार जरिबाना तोकेको छ।
यसैगरी टोपबहादुर रायमाझीलाई ४ वर्ष कैद र ४० हजार जरिबाना , पूर्वसचिव टेकनारायण पाण्डेलाई ४ वर्ष कैद र ४० हजार रुपैयाँ जरिवानाको सजाय निर्धारण गरिएको छ । अदालतले बेचन झालाई एक वर्ष कैद र १० हजार जरिबाना सजाय तोकिएको छ।
